Ich habe heute in der wöchentlichen Lokalzeitung "Biel Bienne" folgendes Gedicht gefunden:

Wo i bi dür d’Schtadt gschpaziert
Isch mer öppis glatt’s passiert
I bi chum ä haubstund gloffe
Ha i scho ä Schwizer troffe

Geisch bim Bahnhof chlei go hocke
Jagd’s di fasch gar us de Socke
dört git’s gratis, hei wie tou
E Multikulti Völkerschou

Roma, Sinti und Albaner
Türke, Serbe, Tibetaner
E ganze Cheib vou sowieso
Chöme us em Kosovo

Derzwüsche si zwe Schwizer cho
Doch später hanigs no verno
Die heige sich schwär drum beworbe
Und si Papierlischwizer worde

Doch das Theater geit no witer
Es chöme Grieche und Ägypter
Verschideni Afrikaner
Indios und Mexikaner

Hindus, Jude und Buddhischte
Brahmane und par Atheischte
Pole und Mohammedaner
Und par Plattfuessindianer

Däne, Schwobe und Chinese
Filipinos, Nepalese
Das chunnt und chunnt zum Bahnhof us
Es verjagt der schier der Pfus

Im Chrieg do hei mir Tag und Nacht
Üses Schwizerland bewacht
Und hei die Order übercho
Jo kei Schwanz lo inecho

Doch hüt isch Türe ganz wiit offe
Mir Dubeli chöi nur no hoffe
Dass mir no chöi als Schwizer schtärbe
Und nid no müesse «sans Papier» wärde

Da steh ich nun ich armer Tor
Und chume mir vertschaupet vor
I gseh wie d’Plastik foht a locke
Chum zu de Vertschaupete cho hocke

Das wär nid schlächt, so han i dänkt
Und mini Schritt zur Plastik g’länkt
Doch was ig dört am Bode gseh
Das tut mir tief im Härze weh

Abfall, Büchsli und ou Fläsche
Naselümpli, Plastiktäsche
Und zwüschedrin do isch, oh läck
Der Bode voller Tubedräck

Jetz längt’s mir, es isch eifach gnue
I wände mi mire Wohnug zue
I wott go pfuse und vergässe
Vor Wuet do chani nüt meh ässe

Am Morge wo i bi erwacht
Het d’Sunne schön dür’s Fänschter glacht
Si wünscht mir no e schöne Morge
Doch im Chopf ha i scho Sorge

Im Gring ha i es grosses Gschär
Es Muli-Kulti hin und här
Es drähit im Chopf, de macht es Bumm
I froge nid lang i weiss worum

Jetz han i euch mi Meinig g’seit
Und d’Charte uf es Tischli gleit
I wott mis Gjammer jetz beände
Es nützt jo nüt, mir chöis nid wände

Edgar Liengme, Biel